دخلوا كل الاصلاحيين اللي يقول خلينا في بلادنا ..والثاني يقول خلونا في تعز ..والثالث يقول اول خرجوا الحوثيين من الصراهم..
فتحت الجزيرة مباشر وقت صلاة الجمعة .. لاننا الحمدلله ما اروح جوامع رغم ان المكيفات شغاله واصل .. اجيت على خطبة ساحة تعز.
الاعلام التركية ترفرف.. والخطيب اللي هو قائد جبهة محور الشرقي، جالس ان اردوغان وقال اردوغان وكان اردوغان ولا يزال اردوغان …
جالس انتظر بيقول على الجماعة الاولين عمر بن الخطاب والا علي بن ابي طالب والا ابوبكر الصديق والرجال مزبط ولا كلمة اردوغان .. ضيع الجماعة.
جلست اتابع ودمي يغلي خينه بيذكر صلح الحديبية والا موقعة بدر الرجال .. عرج على حزب العداله والتنمية .. جلست اسمع وقلت خينه بيذكر لنا النبي في خطبته وكيف كان يتعامل مع اليهود وكيف كان اليهود يحبوه.
للاسف راح يقص قصة العلمانية اللي بالفندق اللي انتخبت اردوغان لأنه صلح الطريق واللي ما فيش باليمن واحد ما قرأ هذه القصة، رغم اننا متأكد انها من كتاب ايآت الرحمن في جهاد الافغان..
طبعا الجزيرة مباشر ضبحوا وغيروا النافذة الى مكان اخر. لكن انا بقيت افكر ليش احنا دمائنا تستباح بتعز الى هذه الدرجة والناس صامتين .. فهل في اسباب .. ووجدت ان من اهم الاسباب اننا سخرنا الدماء ونضالات هذه المدينه للعمل الحزبي القذر ضيعوا لنا ثورة 11 فبراير واحنا نرحل بشار الاسد وبعدها الاحتفال بمرسي ثم مناصرة مرسي ثم البكاء على مرسي. والعالم ينصرف عنا لاننا لا ننظر الى مشاكلنا وتسويقها لكننا نتدخل في شؤون الغير وتحسب معاركنا انها لهذا الهدف لان الاقليم ينظر الى النتائج وماذا بعد. يعني تعز حسبت على الاصلاح بالمفتوح.
و كذلك المقاومة حولوا نضالات تعز الى اعادة علي محسن وحميد وترميم الاصلاح وبناء جيش ومليشيات واعادة سرقة الاموال ويشتوا يحاربوا الحوثي والناصري والاشتراكي وبحاح والامارات وروسيا الاتحادية وايران وابو العباس بوقت واحد، و يتصدروا المشهد بالقيادة والمنسقية واللجان الطبية والاعلام وكل الجمعيات والائتلافات ويقشطوا فلوسها ويسرقوها بتوزيع ممنهج على اصحابهم وبعدها يحنبوا ويرجعوا صراخ زي عادتهم لانهم لا طردوا بشار ولا انقذوا مرسي ولا وقفوا في وجه الحوثي ولا اجبروا الامارات ولا قدروا يردوا على بحاح ولا بينفعوا اردوغان وما سيحل به خلال العامين المقبلين ويذكركم ولا يستطيع كل قادتهم مواجهة ابو العباس في مجلس وجها لوجه.
وبعدين انقذو ا الجرحى وهم السبب الاول في اهمال الجرحى لانهم لم يقوموا بواجبهم وما فيش ادويه وهي تسرق من داخل الائتلاف وهاتوا اكسجين وهم يشتوا يسترزقوا بالاكسجين ويحولوها تجارة..
والقاده حقهم يتقفزوا من مكان الى مكان وفرحين باردوغان خمد الانقلاب بست ساعات طيب كلموا انفسكم يا قوادين وانتم تتصدروا المشهد يا اولاد الكلب والا انسحبوا وسلموا كل ما سرقتوه لعقود لجهات ولجان والرجال بيدافعوا عن انفسهم وعنكم يا سفله..
سيشهد التاريخ والله والناس ان تعز تقتل من قاتلين اثنين مهما ظللتم وكذبتم وزورتم..
القاتل الاخطر والاول هو انتم (الاصلااااااااااح) والذي يطعن تعز في خاصرة الظهر في كل مواجهة
القاتل الثاني والعدو الظاهر والذي يقصفنا ويقتلنا هو الحوثي وعفاش والذين جاءوا لقتلنا وخرجنا لمواجهتهم
