من مغاني بنات الريف

المستقلة خاص ليمنات

يا اللي قليبك مادراش مابي
مشتاق لك يامشقر الروابي
ذكرت مسمرنا والنجم يشهد
شوّقت لك والدمع جرَّح الخد
زادي الدموع وسلوتي التنهّاد
يحرم عليّا بعد فرقتك زاد
حتى الرواعد جاوبين حنينُه
من سبَّتك عمري طوى سنينُه
شعمر لحبك دار في قليبي
واحالي القامة ليتك نصيبي
شعرفك كيفوه الحنين والحب
ليت المسافة واحبيب تقرب
وأمسي بسقفي للصباح ساهر
شهيم عليك وابكي خفا وظاهر
والحب قدر على الجبين مكتوب
ما دام انا احبَّك يمين ما اتوب
أنتن بحبه وانجوم شهودي
يا ذي النجوم لا طفنيين خدودي
صبي الدموع وبرِّدي شجوني
منين شندي صبر واعيوني
لو يقصبين من دمعتي المسارب
يحرم عليَّا النوم وانت غايب
ودمع عيني يسفحين للسوم
ليلي هواجس حَوْم يتبعه حَوم