الحمار يروح يدرس الخارج والطاسة والمزمار شتقضي على البطالة
حاوره/أمين عبد الله راجح
< كيف أيامك؟
تمشي وتروح ولا أحد يعمل لها حساب.
< ممكن تعرفنا باسمك؟
اسمي مستورد من الصومال. زعتر بن نعنوع.
< ليش كم معك أسماء؟!
اثنان.
< ليش أتعبت نفسك؟
على شان يقطعوا لي بطاقة..
< ليش رفضوا يعطوا لك بطاقة؟
قالوا أبي مش أبي وعمري مش عمري..
< كم عمرك؟
أنا من مواليد برج الحوت.
< أتزوجت؟
أكثر من ستين ولا باقي معي برمة.
< وأين سارين البرم؟
ضاعين بين الدسوت.
< قللي ما هي رتبتك بالشارع؟
برتبة وزير.
< اهدأ.. خذ قات خزن؟
أنا لو معي خاتم سليمان باطلب جونية بيس وقات.. با أخزن ليل نهار..
< أطول تخزينة بحياتك كم استمرت؟
48 ساعة بدون أكل.
< أكيد كان معاك مشكلة؟
كان في مشاكل وعراك بيني وبين نفسي.
< ما هو سبب العراك؟
عيش يومك الدنيا جوع وفقر.
< أعطنا اسم أغنية خالدة في الروح؟
بردان.. بردان ما في كمبل يدفيني.
< أفضل نغمة تناسب المسئولين؟
يا مسافر لا بعيد..
< ما سبب سقوط الطائرة اليمنية؟
البترول غالي.
< ما رأيك بفكرة ربط خط قطار من الحديدة إلى حضرموت؟
عاده ما في ركاب.
< لو فزت بسيارة (هامر) ماذا ستفعل بها؟
بأعطيها للرئيس أو لوزير الكهرباء أو المجاري.
< وأنت ما رأيك بالكهرباء؟
أنا مش عارف ليش ما يسموها وزارة الفانوس.. (يسأل): قلِّي ليش وزير الكهرباء حطوه في الوزارة؟
< أنا مش عارف قلي أنت؟
على شان يشغل كل يوم خط..
< كيف يمكن القضاء على البطالة؟
بالطاسة والمزمار.
< واللي ما يعرف يبترع؟
يتفرج بأدب لما يفهم.
< وإذا كان حمار ما يفهم؟
يروح يدرس الخارج بالعملة الصعبة.
< توقعات الموظفين بعد شهور بدون راتب؟
على شان نتساوى نحن وهم.
< أيش القصد من خطف وقتل السواح؟
تحرير العراق وفلسطين.
< هل أنت مجنون؟
فجأة أكتشف إننا مجنون.. شفت الشارع يمشي بدون شرابة وعرفه رمة.
< أيش رأيك بالغش؟
أفضل طريقة لمحو الأمية.
< وأنت ما هي مغامراتك؟
السباحة وركوب الحصان.
< الخيل وليس الحصان؟
الحصان .. لأننا وزير بدون حصانة بالشارع.
< أيش دواء القلق؟
الحب ووجه الحمار.
< آخر فتاة حبيتها؟
وحدة مولدة.. أبوها مصري وأمها سعودية.
< وأين هي الآن؟
سافرت تايلاند ما رجعتش.
< ما الذي يعجب الرجل بالمرأة؟
جيبها.